Cambados 05 de abril de 2010
OS LUNS: A POESIA DE RAMÓN R. NOGUEIRA E XOSÉ MARIA VILA RIBADOMAR.
RAMON R. NOGUEIRA
“A MARÉ”
Facendo rituais a favor de chuvia de mares
de mares doces
de mares axuis e verdes
de mares de cristais
de mares perennes
de mares de espellos
de mares de xogos
de mares enteiros
de mares esnaquizados
de mares inalienábeis
onde a gamela son eu
XOSÉ MARIA VILA RIBADOMAR
“O MAGMA DO DIA”
Ó pouco de espertar decátome de que teño dous peixes nas axilas que crían gume e metal para arrincarme o sangue suorento da fronte namentres deitado no herbal na chuvia cantan os grilos nas pingas negras dos pentagramas e na flor mística da pel agardo nu para saber que vou facer coa carne. O tacto vaise adiando por dez razóns máis do preciso e pregúntolle: de que parte estás? en que parte do corpo te atopas hoxe? e sen parar ponme palabras encarnadas na boca cos seus beizos de arxila, e como cada mañá desde hai semanas é domingo e a clepsidra da marea vai retirando os barcos de area ata somerxelos co magma do día e das inguas.