Cambados 20 de febreiro de 2009
“PORDEREITO” E A CONSELLERÍA EN FASE DE ENTENDEMENTO
A ASOCIACIÓN PRONENOS AUTISTAS REUNIRASE PROXIMAMENTE COA ADMINISTRACIÓN.
A ASOCIACIÓN INTERESASE POR TODOS OS NENOS DO SALNÉS.
Educación presentará á asociación Pordereito un convenio que permita manter o aula estable para nenos autistas con profesores da asociación BATA.
A asociación manterá nos próximos días unha reunión con representantes da Consellería para estudar o contido da proposta.
A Presidenta da Asociación Pordereito, Mari Cruz Dá Silva, solicitou unha reunión coa Consellería de Educación para estudar o convenio de prestación de servizos elaborado pola Xunta para que o aula estable do CEIP A Lomba, en Vilagarcía, continúe o próximo curso con todas as garantías e inclúa profesores especializados en autismo da asociación BATA.
O Xefe do Gabinete da Consellería de Educación, Juan Carlos Porrúa, confirmou que a reunión celebrarase breve prazo, concretamente nos próximos dez días. No seu desenvolvemento, as familias que integran a asociación Pordereito estudarán o contido da nova proposta. As familias insisten na necesidade de que os nenos autistas do aula estable da Lomba reciban un ensino combinado na que interveñan profesores especializados no tratamento do autismo, como apoio indispensable para evolución educativa dos seus fillos.
Recentemente, a xunta directiva de Pordereito mantivo unha reunión coa dirección do Colexio da Lomba para coñecer a opinión do profesorado sobre o aula estable, os resultados obtidos cos alumnos e expor as pautas a seguir para a súa continuidade.
Segundo sinalou Mari Cruz dá Silva, a práctica totalidade do profesorado móstrase satisfeita coa experiencia e ata se venceron as reticencias iniciais dalgúns. Os docentes valoran que a evolución dos nenos foi moi positiva e tamén a axuda que lles proporcionaron os profesionais de BATA para adaptar a formación que imparten ás persoas con autismo.
FÓRMULA EXPORTABLE.
A presidenta de Pordereito insistiu en que a experiencia de ensino combinado que se puxo en marcha no Colexio da Lomba é a fórmula ideal para lograr a integración de persoas con autismo no sistema educativo normalizado e que ten grandes posibilidades de estenderse a toda Galicia.
Así o entenderon tamén representantes de GAUTENA, asociación de profesionais e familias de nenos con autismo do País Vasco, nunha visita recente ao aula estable de Vilagarcía. Representantes de colectivo aseguraron que a experiencia da Lomba non só está ao mesmo nivel que a que levaron a cabo nesta comunidade, senón que en moitos aspectos achegoulles solucións e iniciativas que pensan incorporar.
Os medios de comunicación que estean interesados en entrevistar á dirección de Pordereito poden facelo nos seguintes números de teléfono:
– Presidenta: Mari Cruz Dá Silva: 986531990- 629655858
– Secretaria. Ángela: 670 675798.
UNHA GRANDE CHEA 
Acabo de quedar petrificada, non sabía que vos fixerades eco desta noticia…Teño que agradecérvolo pero quería pedirvos un favor, que saquedes os teléfonos do artigo, non me parece procedente que aparezan aí. Outra cousiña isto é para tomalo moi en serio pois non se pode xogar coa educación duns nenos pos por desgracia eles sempre saen moi perxudicados dos cambios. Un bico e aburiñoCuca