Cambados 20 de febreiro de 2009
DÚAS FORMAS MOI DISTINTAS DE “HOMENAXEAR” A CABANILLAS
UNHA FEITA DENDE O CORAZÓN E O RESPECTO, A DE UNHA GRANDE CHEA
OUTRA USANDO A SÚA IMAXE COMO PANFLETO ELECTORAL, A QUE FAI O CONCELLO
1. "A Calcada" Revista municipal do Cortello de Cambados.- 2. "A Calzada" Revista municipal do Concello de Cambados.
Esta vez e sen que sirva de precedente saen dúas revistas a rúa en Cambados neste Entroido, unha chamada “A Calcada” feita con todo sentimento , sen cartos, sen grandes aspa ventos pero sobre todo respectando a D. Ramón, o noso egrexio escritor, a que facemos os de Unha Grande Chea e que sae este venres a rúa con letras feitas pola nosa Asociación e letras escritas por D. Ramón. A outra revista que sae é “A Calzada”, unha revista electoralista, e sobre todo co desprezo máis absoluto a figura de D. Ramón. Detrás da portada desta revista aparece todo un panfleto de falsidades e mentiras a medias por parte dos nosos gobernantes. “A Calzada” debe ser a única revista que só sae en época electoral. Unha revista que custa moitos cartos os cambadeses e que os nosos gobernantes non teñen nin o máis mínimo rubor en sacar a rúa en plena época de crise, despois queixanse que da Xunta non lle mandan cartos. Se Don Ramón levantara a cabeza de seguro que usaria a palabra caciques que a él tanto lle gustaba mentar.
UNHA GRANDE CHEA 