MANOLO PAZ SERÁ INVESTIDO "CHALEQUEIRO" DE UNHA GRANDE CHEA O MARTES DE ANTROIDO NA PRAZA DE ALFREDO BRAÑAS
De esquerda a dereita o actor Carlos Blanco (chalequeiro 2005), o polifácetico Luis Rei (Chalequeiro 2006), os donos do Pub A Leria (chalequeiros 2007) .
A directiva da Asociación Cultural e Deportiva Unha Grande Chea por unanimidade acordou nomear "Chalequeiro 2008" o artista cambadés Manolo Paz quen naceu en 1957 en Castrelo, Cambados (Pontevedra), vila na que vive actualmente. No seu taller, en Quintáns, Cambados, nun amplo prado xunto ao mar, algunhas das súas pezas máis fermosas dialogan en silencio coa natureza. Nado e criado nunha "casa de traballo" galega, na que a súa familia atendía negocios de carnicería e do campo, Paz comezou de neno a facer tallas de madeira coa súa navalla.
Entre 1978 e 1979 estudou en Santiago de Compostela, na Escola de Artes e Oficios Mestre Mateo. En 1980, comezou a traballar como profesor de escultura na Escola de Canteiros de Poio, Pontevedra, actividade que desenvolvería ata 1990. Hoxe por hoxe é un dos artistas galegos de mais prestixio e con fama internacional.
Entre 1978 e 1979 estudou en Santiago de Compostela, na Escola de Artes e Oficios Mestre Mateo. En 1980, comezou a traballar como profesor de escultura na Escola de Canteiros de Poio, Pontevedra, actividade que desenvolvería ata 1990. Hoxe por hoxe é un dos artistas galegos de mais prestixio e con fama internacional.
A partires do martes de Antroido Manolo Paz xa poderá lucir o seu Chaleco de "Unha Grande Chea"
Ven así a engrosar a lista de chalequeiros de Unha Grande Chea que cada vez acada máis prestixio. Esta distinción naceu o ano 2005 cando nos constituímos de comparsa a Asociación Cultural e Deportiva é un galardón que distingue a unha personaxe destacada pola súa defensa do entroido e polos seus valores humanos. O martes de Entroido as 19.00 horas no "show" que vai facer a nosa Asociación na Praza de Alfredo Brañas, Manolo Paz será investido "Chalequeiro". Parabéns Manolo.
O "CONTRABANDO" E A REVISTA "A CALCADA" XA ESTÁN NA RÚA
(Donativo 1 €)
A revista "A CALCADA" e o "CONTRABANDO", xa están na rúa, podes adquirila dirixíndote a calquer directivo ou membro da Asociación polo "Donativo 1 €". Na revista pódense ver os nosos políticos con poses eurovisivas cantando todos en "Cheavisión" , Montse Prado, Luis Aragunde, Roque Durán, Anabel Carro, Touris e gogos, os tres edís do BNG en Cambados, Domingo Tabuyo e Pepe Daporta e Raphael Louzán, todos eles dignos de ver. No "contrabando" o noso alcalde dinos que os cambadeses non facemos nada e que todo nos fixeron os de foro, así como que non entende a nosa "jerga" coloquial para comunicarnos.
—————————————–
UNHA GRANDE CHEA 