A PRESENTACIÓN DO METODO UN ÉXITO

 A PRESENTACIÓN DO MÉTODO DE GAITA DE XAQUIN XESTEIRA TODO UN ÉXITO.

   

Xaquin dirixindose o público, dous alumnos del acompañarono no mini concerto, e adicandolle o método o noso bombeiro Dominguez. (Foto: UNHA GRANDE CHEA)

 

Perante numeroso público Xaquín Xesteira, mestre gaiteiro, procedeu a presentación do Método de Gaita Galego II, despois da presentación do representante de Edicións Cumio, procedeu Xaquín a presentación do método acompañando a súa exposición técnica un vídeo de apoio. Rematou cun pequeno concerto longamente aplaudido polo público asistente. Estiveron presentes no acto a titulo particular a Delegada de Industria Montserrat Prado e a Concelleira de Cultura do Concello de Cambados Anabel Carro, asemade Xaquín como non ía a ser doutra maneira estivo tamén arroupado pola súa familia, os seus amigos, os compoñentes do grupo Treixadura e como non un ampla representación de Unha Grande Chea, a quen como novidade do acto Xaquín adicoulle unha peza composta por el e titulada "UNHA GRANDE CHEA", para nos é un motivo de orgullo e satisfacción que un home da calidade humana e artística de Xaquín Xesteira faga unha peza musical pensando en nos. Como non ía a ser doutra maneira UNHA GRANDE CHEA TV, estivo presente no acto pero por motivos técnicos con noso servidor "You Tube" non podemos ofrecer as imaxes, unha vez estean arranxados darásevos conta dos mesmas.

—————————————–

UNHA GRANDE CHEA COA SELECCIÓN GALEGA

 

Hoxe as 6.30 da tarde un autobús encargado por UNHA GRANDE CHEA, partirá dende a Estación de Autobuses de Cambados cara a Vigo, co fin de presenciar e apoiar a nosa Selección. Para os "despistados" dicir que quédanos algunha entrada e tamén algúns sitios no autobús, se alguén está interesada chamar o telefono 626669562.

—————————————–

TORNEO DE FUTBOL VETERANO EN CAMBADOS

 

No Campo do Pombal o vindeiro sábado 29 de Decembro vai ter lugar o 2º Torneo do Nadal de Fútbol Veterano, ás 16 horas enfrontaranse Veteranos Cambados contra Distribucións Guipe e as 17.30 Veteranos Albariño contra Veteranos Castrelo. O Sábado seguinte 5 de Xaneiro e cos mesmos horarios terán lugar a final e a loita polo 3º e 4ª posto. Organiza o Campionato o Club Juventud de Cambados e colabora o Concello de Cambados.

—————————————–

"ENTRE BATEAS", film rodado en Cambados NO CENTRO COMARCAL DO SALNÉS

   

O Centro Comarcal do Salnés remata o ciclo de Telefilmes de Cinemas Dixitais, coa proxección de Entre Bateas, este sábado 29 de decembro ás 17:30 h.
Sinopse:
O filme narra o conflicto que se dá na ría de Arousa entre os antigos
contrabandistas de tabaco e os novos narcotraficantes a través da historia de Mario, un experto conductor de planeadoras e de Sergio, un antigo amigo seu que opta por pasarse ao tráfico de drogas. A trama complétase coa relación de Mario e a súa muller ;que o abandona farta do seu oficio de contrabandista de tabaco; e os conflictos entre as redes de narcotraficantes.
Argumento:
Mario, fillo dunha humilde familia, entra no mundo do contrabando de tabaco con apenas 15 anos, levado pola difícil situación económica na la que se atopan él e a súa nai trala morte do seu pai. Faino xunto a Sego, o seu amigo da infancia.
Así, gracias á súa extraordinaria habilidade no manexo das planeadoras, convértese no home de confianza de Veiga, o principal capo do contrabando local.  Co paso do tempo, e ó tempo que os amigos vánse facendo maiores, as fronteiras que separan os mundos do contrabando e o narcotráfico vánse facendo cada vez máis difusas para eles. A organización adicada a este ultimo comeza a tomar o control da zona, gracias sobre todo á facilidade coa que se poden gañar moitos máis cartos. É por elo polo que SEGO crea a súa
propia rede apoiado nos colombianos.

              

Sen embargo, MARIO non comparte esas ideas de cambio co seu mellor amigo, o que provocará desencontros entre eles.
Neste turbulento mundo, a vida sentimental do protagonista veráse afectada, provocando tensións e distanciamentos. Esto levará á súa muller, Isabel, a tomar difíciles decisións que pesarán gravemente sobre o que ata o momento era a súa vida e a súa familia.
Pero as cousas cambiaron tanto que resulta difícil volverse atrás. Tamén para os dous antigos amigos. E cando os camiños de ambos volvan a cruzarse, desataránse acontecementos polos que Mario pode pagar un prezo demasiado alto..
PREMIOS E RECOÑECEMENTOS
Entre Bateas foi a gran triunfadora dos Mestre Mateo 2003, os premios do audiovisual galego, recibindo os galardóns á mellor película de TV e o premio do público. Gañou as categorías da mellor dirección e montaxe (Jorge Coira), actriz de reparto (Rosa Álvarez), maquillaxe e perruquería (Eva
Fontenla e Trini Fernández), son, banda sonora (Piti Sanz),  dirección artística (Marta Villar), dirección de produción (Roberto Sinde).

Hai quen quixo ver neste film a historia dun contrabadista cambadés, dende logo Miguel de Lira foi caracterizado como  si tal fora.

Entrada de balde ata completalo o aforo.

———————————————————–

“OUTRAS SECCIÓNS DE “UNHA GRANDE CHEA” e de CAMBADOS
Visita os nosos videos en	http://www.youtube.com/unhagrandechea
Visita as nosas fotos en:	http://www.fotolog.com/unhagrandechea1
Visita a nosa música en:	http://www.musicamp3.com/UNHAGRANDECHEA
Se queres coñecer Cambados dende o teu ordenador visita	http://www.cambadosenfotos.net