Cambados 30 de abril de 2010
DESAPARECE UN FERMOSO FALCON
PARTICIPARA NO VIDEO “PAJAROS EN LA CABEZA” DE EDUARDO APARIZ.
O pasado domingo rexistrábase en Cambados a desaparición dun falcón. Os donos, a familia González , comezaban ese mesmo día coa procura, que segue sendo infrutuosa. Días despois un señor atopábao en Vilalonga (Sanxenxo) e daba parte á Garda Civil, que acabou derivando o caso ao Seprona. Un dos responsables deste corpo acabouno soltando no alto do monte Xiabre e aí perdéuselle a pista definitivamente. O curioso e preocupante do caso é que o animal leva un aparello emisor que debería de achegar información fiable da súa localización actual, pero non é así. Quizais porque se atopa fóra do radio de alcance do sinal ou quizais porque foi desactivado ou inhibido dalgún modo. O único certo é que os seus donos seguen sen saber nada del. Ademais desta pequena estación emisora, leva dúas correas de coiro nas patas, dúas pihuelas (anacos de cordel trenzado) e un cascabel. O falcón ten tres anos e medio de idade, case medio metro de envergadura e pesa algo menos de 1 quilo. Ante a incerteza que supón non saber absolutamente nada del e co enfado que teñen os donos por como ocorreron os feitos, xa se puxeron en contacto cos altos cargos do Seprona e barallan ata denunciar o caso da solta. Mentres tanto piden a axuda da cidadanía. Se alguén viu ou ve este falcón deberá dirixirse ao Seprona de Pontevedra (Cotobade) e dar parte. Mentres tanto, o operativo segue aberto. Este falcón foi o que participou no video realizado por Eduardo Apariz “Pajaros en la cabeza” que podes ver a continuación.
UNHA GRANDE CHEA 