Cambados 25 de Abril de 2010
MAÑÁ , XORNADA DE PORTAS ABERTAS NO I.E.S. ASOREY
O instituto Francisco Asorey de Cambados celebrará mañá unha xornada de portas abertas, que leva por título Uns estudos, unha profesión. A intención é a transmitir a oferta educativa do centro.
A idea forxábase hai agora catro anos e desde entón foise perfeccionando. Desde o primeiro momento perseguíase un contacto directo con empresas e outro coa cidadanía en xeral, non só de Cambados. A actual situación de crise achega aínda maior protagonismo a estes cursos, xa que significa unha vía formativa de calidade e unha posibilidade de reciclaxe profesional a ter en conta.
Durante toda a xornada de mañá, o Asorey acollerá a visita de diferentes alumnos e profesores doutros centros educativos. Os primeiros serán os do IES A Basella de Vilanova. Acto seguido acudirán os do Ramón Cabanillas de Cambados e para rematar, os que están a cursar estudos no CPI de Mosteiro-Meis. Xa pola tarde haberá unha visita guiada polos talleres e aulas do centro onde se realizarán demostracións.
UNHA GRANDE CHEA 