Cambados 27 de Marzo de 2010
SABINA CASALDERREY SOMOZA, PREMIO EXTRAORDINARIO O RENDEMENTO ACADEMICO E O ESFORZO E SUPERACIÓN PERSOAL
Sabina co seu "profe" preferido Domin, Secretario de Unha Grande Chea, na carreira dos Institutos da edición pasada.
Corenta estudantes gañadores dos premios extraordinarios de Educación Secundaria Obrigatoria ao rendemento académico, e ao esforzo e superación persoal correspondentes ao curso 2008-2009 viron onte recoñecido o seu traballo no acto de entrega de galardóns celebrado no Conservatorio de Música de Santiago de Compostela. Entre eles a cambadesa Sabina Casalderrey Somoza, loitadora incansable e un exemplo para os seus compañeiros, por iso é polo que faltou á Carreira dos Institutos na que leva participado en todas as súas edicións, Sabina cursa os seus estudos no I.E.S. Asorey de Cambados. O conselleiro de Educación e Ordenación Universitaria, Xesús Vázquez Abad, felicitou aos rapaces, polo que cualificou como un "merecido recoñecemento ao seu esforzo, ao seu traballo e aos seus méritos; e destacou que os homenaxeados son "un exemplo de que o noso sistema educativo que non só funciona, senón promove a excelencia".
Vázquez Abad presidiu o acto de entrega acompañado do director da Obra Social de Caixanova, Guillermo Brea. ¡¡¡Parabéns Sabina!!!
UNHA GRANDE CHEA 