Cambados 31 de Xaneiro de 2010.
A EXPOSICIÓN “…UNHA VIAXE CON RAMÓN CABANILLAS…” EN VIGO
CANDEA É AUNICA ENTIDADE QUE SEGUE A TRABALLAR REMATADO O “ANO CABANILLAS 2009”.
O xoves 4 de febreiro do 2010 ás 20 horas, inaugúrase no Verbum, Casa dás Palabras de Vigo a exposición fotográfica "unha viaxe con Ramón Cabanillas", e estará desde o 4 de febreiro ata o 21 de marzo do 2010, grazas a colaboración de Candea "Asociación de Ensinantes do Salnés" a Concelleria de Cultura do Concello de Vigo.
Os autores que participan son: Iñaki Abella, Quico Álvarez, Eduardo Apariz, Mónica Irago, Luís Barreiro, Martina Misser, Emilio Moldes, Carlos Puga, Xaquín Rosales, Mónica Vila, José Luiz Oubiña , estes fotografos ofrecen a súa visión sobre o intelectual e poeta galego a partir dos seus versos, que tamén poderán escoitarse neste proxecto.
Para esta ocasión o Verbum, publicou un pequeno caderno da exposición que sera entregado a todos os asistentes.
VERBUM – Casa das Palabras é un museo interactivo sobre todos os ámbitos relacionados coa comunicación humana, deseñado como un espazo cultural, lúdico e divulgativo no que os visitantes poden participar dun modo activo nos elementos expositivos, o seu horario e de 10:00 a 19:00 horas e está situado na Avda de Samil Nº 17 | 36212 Vigo.
UNHA GRANDE CHEA 