Cambados 28 de Agosto de 2009
OS GAITEIROS CON DON RAMÓN
O DOMINGO ÁS 21 HORAS
NO PASEO DA CALZADA, O PE DO SEU MONUMENTO
Os Terribles de Arousa
Unha Grande Chea
Volandeira
Xironxa
Xaquín, Anxo e Roi Xesteira, todo un espectáculo para ver o vindeiro domingo.
O vindeiro domingo ás 21 horas diante do monumento a D. Ramón no Paseo da Calzada vai ter lugar a grande homenaxe dos gaiteiros da bisbarra o noso “Poeta da Raza”, el que ben soubo cantar as excelencias dos nosos homes da gaita mediante as suas poesias cheas de amor e tenrura. D. Ramón co noso idioma facia marabillas e nos o domingo queremoslle rendir pleitesia e facerlle o mesmo tempo unha homenaxe sentida a par que emocionada, para elo esteramos ali : “Os Terribles de Arousa” que van ser os mantenedores musicais do acto e que tamén leran un poema do noso egrexio escritor, tamén estaremos nos, os de Unha Grande Chea, que dun xeito ou doutro grazas a homenaxe que fixemos no 2006, fumos os precursores deste Ano Cabanillas 2009, e non podiamos faltar nesta homenaxe, coa interpretación de duas pezas e a lectura dun poema por parte do noso presidente Chon. Tamén estará o grupo Volanderia, que tamén botarán duas pezas e farán lectura don poema de D. Ramón. Xironsa tampouco podia faltar nesta homenaxe con duas pezas e a lectura dun poema. Con de Xido , por circunstancias de traballo non poderán actuar coas gaitas e só procederán a lectura dun poema. Pero quen si vai estar é o mellor gaiteiro de Galicia, Xaquin Xesteira, a persoa que coa suá gaita vai honrar a Cabanillas dun xeito moi especial, porque non vai tocar só , vaino facer cos seus fillos Anxo e Roi , e o mellor agasallo que D. Ramón podia recibir dos gaiteiros de Cambados, o mellor gaiteiro de Galicia e os dous futuros mellores gaiteros do noso pais, non vos podedes perdes este fermoso espectáculo, Agardamosvos. E Falemos galego como facia D. Ramón. Tamén queremos aproveitar para felicitar o noso vicepresidente Ramón Martinez Ulloa , porque onte tomou posesión como novo concelleiro de Cambados. Parabens "Martines".
Este Sábado 29 de Agosto
4ª Edición BASKET 3×3 que organizan Anidega e a Embaixada Prusiana.
No aparcamento do paseo marítimo fronte a Alameda de Santomé.
As 16:00h. se realizará o sorteo dos grupos e as 16:30 comezan os partidos.
Lugares de Inscripción:
Rif-Rock, no Tetuán e na Leria (5€ por xogador)
Lembrade que os equipos poden estar compostos por 3 ou 4 xogadores/as (permítese un suplente) e botádelle un ollo ó regulamento que hai novidades!!!
*Ademáis de tóda-las institucións i empresas colaboradoras e patrocinadoras que saen no cartel, anúnciovos que Chourizo Films é o medio oficial de covertura do evento..
BASKET 3×3 REGULAMENTO.
§ O campo de xogo será o equivalente a media pista de baloncesto e unha canastra.
§ Os equipos estarán compostos por tres xogadores, e poden contar con un xogador reserva.
§ Cada equipo nomeará un capitan que será o representante único.
§ O xogo será a 15 puntos con 2 de vantaxe e terá unha duración máxima de 10 minutos. O rematar este tempo, gañará o encontro o equipo que vaia por diante no marcador.
§ No caso de que o partido remate en empate, cada xogador terá que lanzar un tiro libre, e gañará o equipo que máis canastras anote.
§ En caso de empate ó finaliza-la liga de grupos, o equipo con maior básquet-average ó seu favor será o que pase á seguinte ronda.
§ Cada canastra vale un punto, agás aquelas conqueridas máis lonxe de 6,25, que valerán 2 puntos.
§ A primeira posesión do balón será sorteada.
§ Despois de cada cambio de posesión, rebote defensivo ou balón recuperado, o balón deberá saír da liña de 6,25.
§ Despois de cada canastra o balón troca de posesión e iniciase o xogo dende o medio campo.
§ Cando o balón saia fora, deberá poñerse en xogo dende a banda.
§ As loitas supoñen, sempre, a posesión do balón para o equipo que se defendía.
§ As faltas sacaranse sempre de banda.
§ Cada 5 faltas de un equipo defensor supón un tiro libre (con valor de 1 punto) que se lanzará sen perder tempo, e sen posibilidade de rebote, posto que a posesión continuará no equipo atacante.
§ As faltas intencionadas non se permitirán e serán penalizadas con un tiro libre, posesión do balón ó equipo que sufriu a falta e expulsión do xogador agresor.
§ O principio fundamental do 3X3 é o "fair-play", ou xogo limpo. Cada partido rexerase por este principio e os participantes actuarán como árbitros. Cada xogador debe declarar as faltas que comete. En caso de liorta os equipos involucrados serán expulsados da competición.
§ Ningún xogador poderá xogar en máis de un equipo.
§ Os equipos que se retrasen máis de 5 minutos no comenzo do encontro quedarán descalificados.
§ Queda totalmente prohibido colgarse do aro, o que se penalizar con expulsión directa do equipo.
§ Calquera circunstancia non contemplada, será competencia exclusiva dos responsables da organización e a sua decisión última será inapelable.
§ – A inscripción no torneo de baloncesto 3×3 supón a total aceptación de estas normas.
ACTIVIDADS PARA HOXE EN CAMBADOS:
As 10 na Piscina Municipal do Pombal, natación para embarazadas. As 10, 14, 16 e 20 horas no peirao de Tragove, Xi Escola de Verán de Vela. As 10.30 no Parque de Torrado, día dos nenos, fin de actividades, función de despedida de As Roladas..
UNHA GRANDE CHEA 