Humor Grandecheo: A TELEVISIÓN FIXO MARABILLAS POLA MIÑA CULTURA. EN CANTO ALGUÉN ACENDE A TELEVISIÓN, VOU Á BIBLIOTECA E LÉOME UN BO LIBRO.

Cambados 29 de marzo de 2009

SILVA E ARAGUNDE OUTRA VEZ O IRONMAN

Terminar un Ironman é unha desas proezas que se lle poden contar a un neto. Pero para acabar unha carreira que consta de 4 quilómetros a nado, 180 en bicicleta e 42 a pé fai falta renunciar a moitas cousas e un enorme sacrificio persoal. José Aragunde e Íñigo Silva son dous veciños de Cambados que xa completaron este salvaxe tríatlon en maio de 2007, e este ano volven intentalo. Pero para iso teñen que adestrar seis días á semana, e empezaron a traballar en outubro pasado. Este domingo tamén toman a saída na famosa Vig-Bay, que cumpre dez anos.
Hai persoas que xamais escarmientan. Os cambadeses José Aragunde e Íñigo Silva talvez sexan dous exemplos. E é que tras a tremenda malleira que se deron fai dous anos na Ironman de Lanzarote, esta primavera non só repiten o reto nas illas Canarias, senón que tamén se apuntaron a outro destes salvaxes tríatlons que se vai a celebrar en Barcelona.
Ironman é xa unha palabra ben coñecida en Cambados grazas a estes dous veciños, que participaron nunha ocasión, e a David Martínez, un auxiliar farmacéutico e atleta federado que competiu en dúas ocasións nesta esixente proba deportiva. E é que o Ironman non é unha competición calquera, e para poder afrontala cun mínimo de garantías de alcanzar a meta é necesario un adestramento de seis días á semana durante uns nove meses.
A proba é unha tríatlon que empeza con 3,8 quilómetros de natación; que continúa cunha ruta en bicicleta de 180 quilómetros, con varios portos de montaña polo medio; e que termina cunha maratón a pé de 42 quilómetros. E todo iso en Lanzarote en pleno mes de maio, cando a temperatura supera con facilidade os 20 graos.
No Ironman canario de fai dous anos tomaron a saída 1.100 persoas, pero case a metade tiveron que volver a casa sen o orgullo de acabalo. Aínda que José Aragunde e Íñigo Silva poden presumir de vencer todas as adversidades aquel día de maio de 2007.
O primeiro é un hostaleiro e profesor de educación física, e terminou a carreira logo de 12 horas e 24 minutos de esforzo ininterrompido; Íñigo Silva, que é farmacéutico, empregou 14 horas e 42 minutos. E este ano tomáronllo moi en serio. Fixéronse cunhas bicicletas especiais para probas deportivas “similares ás que se utilizan nas contra reloxos profesionais”, e empezaron a adestrar en outubro pasado.
José Aragunde conta que nestes momentos atópanse na fase máis dura e intensa do adestramento. “Un día á semana facemos unha rodaxe en bicicleta duns 150 quilómetros "unha distancia similar á que separa Cambados da cidade da Coruña”, e outro saímos a correr entre 20 e 25 quilómetros. Os outros catro días traballamos algo no ximnasio, nadamos e facemos algo de bicicleta e de carreira a pé, pero con menos duración".
Outra parte dos seus adestramento consiste en participar en probas que para a maioría dos deportistas xa son un suplicio por si soas, pero que para un Ironman son pouco máis que un aperitivo. Así, por exemplo, participan este domingo na famosa Vig-Bay, unha carreira de 21 quilómetros entre Vigo e Baiona; e o 26 de abril fanse unha medio Ironman en Lisboa. Nova e fotos Faro de Vigo.

About unhagrandechea1

Somos a Asociación Cultural e DeportivaUNHA GRANDE CHEA de Cambados, vivimos para o Antroido e o Albariño. Tamén organizamos outros actos na vila. Se nos queres ver o careto estamos aquí nesta ligazón: http://picasaweb.google.es/unhagrandechea/XUNTADIRECTIVA?feat=directlink E se nos queres coñecer máis a fondo visita a nosa páxina web : www.unhagrandechea.org.es O que che está escribir é Chon , o presidente de Unha Grande Chea.
Esta entrada foi publicada en CAMBADOS UNHA GRANDE CHEA. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s