Cambados 22 de marzo de 2009
DENTRO DA PROGRAMACIÓN DE CINEMAS DIXITAIS O CENTRO COMARCAL DO SALNÉS PARTICIPA NA SEMANA DO AUDIOVISUAL GALEGO
A Semana do Audiovisual Galego naceu co obxectivo de complementar e consolidar os galardóns Mestre Mateo, os máis importantes do sector audiovisual e que concede a Academia Galega do Audiovisual, coa súa divulgación na sociedade galega a través do circuito de Cinemas Dixitais e e coa organización da propia Academia.
Coa axuda dos patrocinadores e colaboradores na iniciativa, prepárase un programa extenso de proxeccións dos traballos finalistas nun amplo número de localidades galegas. Esta Semana do Audiovisual Galego celébrase ao longo de toda a semana, do 20 ao 25 de abril, previa á gala da entrega de premios que terá lugar na cidade de Pontevedra, formando parte do 6º ciclo do programa de Cinemas Dixitais.
O Centro Comarcal do Salnés, co motivo da entrega dos premios Mestre Mateo 08 o vindeiro 24 de abril colabora na Semana do Audiovisual Galego na que se exhibirán ao longo da xeografía de Galiza os traballos finalistas aspirantes a estes premios do audiovisual galego.
Con esta iniciativa, o Centro Comarcal do Salnés en colaboración con CINEMAS DIXITAIS pretende achegar ao público as producións audiovisuais producidas en Galiza no ano 2008 e darlle a maior difusión posible a estas obras e aos galardóns que desde 2003 veñen premiando ao cinema e aos profesionais galegos.
Os lugares participantes no circuíto pódense consultar premendo AQUI.
Listado de finalistas premendo AQUI.
—
Centro de Desenvolvemento Comarcal do Salnés
Paseo da Calzada s/n
36630 Cambados (Pontevedra)
Tl.: 986 52 60 13 – Fax: 986 52 40 12
Correo electrónico: ccsalnes@comarcasdegalicia.com
UNHA GRANDE CHEA 