HUMOR RETRANQUEIRO: UN DÍA SEN SOL É COMO, XA SABES, NOITE.

Cambados 3 de novembro do 2008

O CINE DE CAMBADOS "DE REVISTA"
"A VERDADEIRA HISTORIA DE W. JOE" E "MÁSCARAS" SAEN NO DERRADEIRO NÚMERO DE "AUDIOVISUAL GALEGO"
A PRESTIXIOSA REVISTA ESTÁ DIRIXIDA POR MIGUEL ANXO FERNANDEZ.

    

Na páxina 63  da Revista "Audivisual Galego" está adicada totalmente a Rodrigo Piñeiro e Alberto Dominguez. (Preme nas imaxes e verás perfectamente o que di das curtas cambadesas)

Tanto a "A verdadeira historia de W. Joe" da produtora "Chourizo Films" do director Rodrigo Piñeiro, como "Mascaras" o primeira curta de Alberto Dominguez saen publicadas no derradeiro número da prestixiosa revista "Audiovisual Galego" que dirixe Miguel Anxo Fernández, con  un resumo das mesmas e a súa ficha técnica.
Tamén temos que dicir que "Chourizo Films" e sen que sirva de precedente vai presentar a concurso no "I Festival de Cine de Sanxenxo"  "A verdadeira historia de W Joe". Desexámoslle moita sorte.

Texto e fotos: Unha Grande Chea.

————————————————————

Cambados 1 de Novembro de 2008

I FESTIVAL DE CINE DE SANXENXO

OS DIAS 21, 22  e 23 DE NOVEMBRO

DATA LIMITE DE INSCRICIÓN 7 DE NOVEMBRO.

   

O I Festival de Cine de Sanxenxo, nace coa intención de divulgar aquelas curtametraxes de ficción e animación temática libre e ámbito internacional rodades a partir do 1 de xaneiro de 2007.

Para inscrición e contacto os interesados deberán dirixirse a Manuel Vidal 981 565376 / 695.799.798

festivalsanxenxo@artefactoproducciones http://www.sanxenxo.es .

Os premios son os seguintes: Mellor Curtametraxe de Ficción.1000 € e trofeo. Mellor Curtametraxe de Animación.500 € e trofeo.Mellor Curtametraxe rodada no concello de Sanxenxo 500 € e trofeo. Premio de honra a mellor longametraxe galega.

Texto e Fotos: Unha Grande Chea.

————————————————————

 

Cambados 1 de Novembro de 2008

ESCOLA DE ARTES ESCÉNICAS EN CAMBADOS

PARA TODALAS IDADES

SUBVENCIONADA POLA CONSELLERIA DE CULTURA E DEPORTE.

 

1.- María Xesús López Escudeiro Delegada de Cultura e Deporte de Pontevedra.- 2.- Anabel Carro e Toledano.

A primeira tenente alcalde de Cambados, Anabel Carro, foi a encargada de presentar onte o que definiu como o proxecto cultural «máis ambicioso deste mandato». Trátase da primeira escola de artes escénicas do municipio, que comezará a funcionar durante este mes. O centro está aberto a persoas de todas as idades e de toda a comarca, aínda que terán preferencia os veciños do municipio.

Segundo Carro, o proxecto está destinado a canalizar as inquietudes artísticas dos cambadeses en todos os ámbitos, desde o teatro ás artes escénicas, pasando polo cine ou a fotografía. As leccións impartiranse no auditorio da Xuventude, onde xa poden inscribirse todos os interesados en participar nestas clases. Esta escola está subvencionada pola Conselleria de Cultura e Deporta, actualmente en mans do BNG.

Texto e Fotos: Unha Grande Chea.

————————————————————

Cambados 31 de outubro de 2008

O FOTOLOG DO BNG DE CAMBADOS
FUNCIONA DENDE FAI DOUS MESES http://www.fotolog.com/bng_cambados
A VECES DESCOLGASE CON ALGUNHA MONTAXE SIMPÁTICA.

  

Tres montaxes que podes ver no fotolog do BNG.

O fotolog do BNG e un xeito de achegarse a esa incipiente mocidade que "pulula" polo mundo dos fotologs. E aínda que normalmente as novas son sobre denuncias, feitos e preguntas do BNG cambadés cara o Concello de Cambados, de vez en cando descólganse con montaxes coma a que podemos ver nas fotos, ou a conversa imaxinaria entre Ramón Cabanillas e Anabel Carro que non ten desperdicio.
Texto: Chon.- Fotos: http://www.fotolog.com/bng_cambados

————————————————————

Cambados 30 de outubro de 2008

O CENTRO DE DESENVOLVEMENTO COMARCAL DO SALNÉS ACOLLE MAÑAN UN SEMINARIO SOBRE POLÍTICA FORESTAL

“As claves da política forestal actual”, que se celebra mañan 31 de outubro, en horario de 10:00 a 14:00 horas, está organizado pola Dirección Xeral de Montes e Industrias Forestais e pola Sociedade para o Desenvolvemento Comarcal de Galiza.
A Consellaría do Medio Rural pretende concienciar a sociedade galega da importancia da xestión integral, racional e sustentable do monte galego como vía para acadar unha explotación máis produtiva e para optimizar o seu aproveitamento.
—
Centro de Desenvolvemento Comarcal do Salnés
Paseo da Calzada s/n
36630 Cambados (Pontevedra)
Tl.: 986 52 60 13 – Fax: 986 52 40 12
Correo electrónico: ccsalnes@comarcasdegalicia.com

————————————————————

GOGUE NOVAMENTE PREMIADO
ESTA VEZ NO CERTAME The Wisenheimer – Kansas City
POR UNHA CARICATURA DO CANDIDATO A PRESIDENCIA DOS E.E.U.U. "John McCain"

O noso amigo, o meco-cambadés Gogue ven de serlle concedido o segundo premio no Certame de Caricaturas The Wisenheimer en Kansas City (E.E.U.U.) por un traballo do candidato a presidencia do devandito pais John McCain que aquí vos presentamos e publicado no seu día no xornal onde traballa o Faro de Vigo. Gogue é un dos caricaturistas máis laureados do pais e cun curriculum traballado por todo o mundo (podes ver o seu curriculum na seguinte ligazón:  http://docs.google.com/Doc?id=dc7knff2_5gvt9btfb ) Ademais Gogue é todo unha figura  no país de Micky Mouse, e cun merecido prestixio. Parabéns Gogue.

Texto: Unha Grande Chea. Caricatura: Gogue.

————————————————————