POR FIN XA SABEMOS AS ACTUACIÓNS PARA O ALBARIÑO

Cambados, 13 de xullo de 2008

XA SE COÑECEN AS ACTUACIONS DO ALBARIÑO 2008

DE TODO UN POUCO

A DESTACAR TRICICLE

   

Alis, Boney M, Cristina LLorente, e Fangoria

 

 

   

Juncal Rivero, Tricicle, Deluxe e Lorena.

 

Ben xa temos aquí as actuacións deste ano, gustarán máis, menos,hai de todo, iso si tan só con quince días de antelación, por aquí pasaran Alis, Deluxe, Lorena, Cristina LLorente, Tricicle, Fangoria, Boney M (pero estes aínda actúan ¡incrible!), e tamén contaremos coa presentadora Juncal Rivero quen vai ser a que inaugure oficialmente a festa e a que actúa como presentadora no patio de armas, como vedes actuación de música galega ningunha, pero !Isto é o que hai!. Dos nomeamentos do Capitulo Serenísimo merecen artigo aparte.

————————————————————

Cambados, 13 de Xullo de 2008

O CAMBADÉS MIGUEL PALACIOS DEBUTOU NA SELECCIÓN GALEGA DE XADREZ

A ACTUACIÓN PÓDESE CALIFICAR COMO BOA

A SÚA SEGUINTE CITA É O CAMIPIONATO DE ESPAÑA INFANTIL EN PADRÓN.

 

           

Miguel Palacios en plena actuación.

 

O cambadés Miguel Palacios completou unha aceptable actuación no seu debut nunha competición oficial como integrante da Selección Galega de xadrez, categoría infantil.

O cambadés formou parte do combinado galego xunto co vigués Samuel Villar e o ourensán Samuel Cruz, así como as representantes femininas, a viguesa María González e as ferrolás Aranzazu Sánchez e Laura Formoso, na disputa do Campionato de España por autonomías, celebrado o pasado mes de xuño na localidade asturiana de Avilés.

Disputáronse seis roldas e en cada partida os equipos utilizaban catro xogadores, sempre con paridade entre homes e mulleres.

A nivel de equipo, Galicia mantivo a súa posición no ranking inicial, que era décimo, ao terminar a competición nese mesmo posto (con 11´5 puntos), entre as 18 comunidades participantes. Galicia gañou tres encontros (ante Estremadura, A Rioxa e Melilla, empatou ante Baleares e perdeu con Cataluña e Castela León)

 

      

A súa vindeira cita o campionato de España individual.

 

A nivel individual, a participación de Miguel pódese cualificar de boa, pois disputou catro partidas, perdendo a primeira ante o catalán Pacheco e vencendo nas outras tres, contra Paula Marques (A Rioxa), Clara Rivas, de Castela León e a melillense Asun Alsina. Miguel, que partía no posto 61 do ranking individual, finalizou no 32.

Agora a cita está en Padrón, no Campionato de España individual, categoría infantil, que comeza o domingo 13 de xullo. O nivel de participación é cuantitativa (148 xogadores) e, sobre todo cualitativamente moi alto.

Os datos con claros. Preto de 20 xogadores con elo internacional por encima de 2000 puntos. De feito, o cambadés, con elo FIDE 1588, ocupará o posto 87 do ranking inicial, polo que as súas aspiracións céntranse en mellorar esa posición, e achegarse o máis posible ao posto 50.

Na súa última participación nun campionato de España, fai dous anos en Estremadura, Miguel acabou no posto 33, con 5´5 puntos, algo que se antolla moi difícil de igualar nesta edición. A cita, como queda dito, do domingo 13 ao venres 18 de xullo, nun torneo que consta de nove roldas.

————————————————————

 

Cambados, 13 de Xullo de 2008.

Ramón Falcón

 

Entrevista ilustrativa na Voz de Galiza a un dos propietarios do Rif-Rock, Ramón Falcón, que na mesma nos fala de por que e como naceu o emblemático pub cambadés, o que se estila no mesmo e das celebracións o final do verán, podela ver picando na seguinte ligazón: http://www.lavozdegalicia.es/arousa/2008/07/13/0003_6981373.htm?idioma=galego

————————————————————

Cambados, 12 de Xullo de 2008

UNHA GRANDE CHEA ACADA REPRESENTACIÓN NA DIRECTIVA DA GDR O SALNÉS

O NOSO SECRETARIO SERÁ O NOSO REPRESENTANTE

POR PRIMERA VEZ ACADAMOS UN POSTO DIRECTIVO DE TAN ALTO NIVEL

    

Xaquín Charlín "Chon" será o noso representante na directiva e Salvador Cores "Fico" será o sustituto en caso de ausencia do anterior.

 

Un representante de Unha Grande Chea, formara parte da directiva da "Asociación de Grupos de Desenvolvemento Rural O Salnés". Hoxe as dez de mañá en reunión celebrada en Exposasalnés da Mesa Sectorial das Asociacións Deportivas, Recreativas, de Veciños e Culturais tiñan que elixir un representante para a Xunta Directiva, presentáronse catro candidaturas entre elas a de Unha Grande Chea, quen en votación dos alí presentes resultou elixida. Esta directiva estará formada por 19 representantes das Asociacións de todo o Salnés. O representante da nosa Asociación na directiva será o noso Secretario Xaquin Charlín "Chon".É a primeira vez que ostentemos un cargo corporativo a nivel comarcal.

————————————————————

Cambados, 12 de Xullo de 2008

UNHA GRANDE CHEA TV. PRESENTA:

"11 DE XULLO,  SAN BIEITO DE CAMBADOS"

¿RELIXIÓN? ¿FANATISMO?, ¿NEGOCIO? ¿FOLCLORE?: UNHA MISTURA DE TODO

 

Se tes problemas para ver o video dende esta páxina, podes velo picando directamente nesta ligazón: http://es.youtube.com/watch?v=3sTtn33jvMc

 

Unha Grande Chea, e case que todos os seus membros, menos os de Santo Tome, sempre tivemos unha relación especial co santo, tanto os agnósticos como os crentes. Este santo é capaz de que algunha xente diga "Eu creo máis enSan Benito que en Dios" ou controversias polo estilo. Nós é o único santo que lle fixemos unha letrilla cuxa primeira estrofa dicía: "San Benito de Triana ten un pistolo de ouro para matar o ladrón de D. …" o nome do don poñédello vos. Este vídeo está feito con todo o respeto o patrón de Triana "San Bieito".

————————————————————