JORGE HERVELLA UN ENÓLOGO EN ALZA

Cambados 7 de Xullo de 2008.

JORGE HERVELLA GAÑA O PRIMEIRO PREMIO NA XLV FESTA DO VIÑO DO RIBEIRO

O RIBADAVIENSE DE NACEMENTO E CAMBADÉS DE ADOPCIÓN FOI O CREADOR DO VIÑO  GAÑADOR "DIVINO REI"

 TEN O SEU ESTABLECEMENTO NOS CATRO CAMIÑOS EN CAMBADOS

      

Jorge Hervella  e a súa tarxeta.

O enólogo Jorge Hervella Primeiro Premio en brancos na XLV Feira do viño do Ribeiro na "Cata Oficial", mais de 60 adegas participaron no evento.
A Adega "Castro Rei" de  Sampaio (Ribadavia) Propiedade de Rafael Castro Domínguez, fixo o  viño branco gañador elaborado polo enólogo Jorge Hervella co nome de  "Divino Rei". En tinto a gañadora foi o colleiteiro Antonio Cajide co seu viño "Viña do Avó".  
A XLV Feira do Viño do Ribeiro chegou así seu fin en Ribadavia tras tres xornada de actividades. Os organizadores ven positivo o traslado do certame a xullo, para así poder amosar uns viños de calidade, e destacan a bonanza meteorolóxica.

————————————————————

Cambados 7 de xullo do 2008

AS MULLERES DO MAR, GUIAS TURÍSTICAS

O SEU LEMA: "ACHÉGATE A CAMBADOS, COÑECE CON NÓS A CULTURA DO MAR"

GUIMATUR TEN  DOUS ROTEIROS DIFERENCIADOS

                

Mulleres mariscando na praia un día calqueira e o seu quiosco onde os turistas poden encargar as súas visitas guiadas.

¿Que é Guimatur? Pois Guimatur non é nin máis nin menos que a Ásociación Cultural de Mulleres do Mar de Cambados, está formada por 17 mariscadores e duás redeiras. Está aberta a todas as mulleres que traballan no sector do mar. As súas actividades  promordiais son as visitas guiadas pola beiramar e os bancos marisqueiros e os seus obxectivos son amosar a súa forma de vida e a rica herdanza  cultural do pobo mariñeiro galego, dar a coñocer o seu traballo, revalorización da muller no mundo do mar e a promoción dos nosos productos e riqueza gastronómica.

————————————————————

Cambados 6 de Xullo do 2008

ZAO REVENTARÁ CON "THE HENRY WARNIMONT"

OS QUE ANTES ERAN "PLAY BACK" ESPERAN GAÑAR NOVAMENTE A MOCIDADE CAMBADESA

CADA VEZ TEÑEN MÁIS CALIDADE

 

  

Varios intres da actuación de este ano de The Henry Warnimont en "Cheavisión"

 

O día de San Bieito , o 11 de Xullo ás 23 horas na Discoteca Zao de Cambados preséntanse en sociedade con se novo nome "The Henry Warnimont" os cambadeses que antes se chamaban "Play Back". Nos coñecémolos sobradamente e mitos de vos tamén porque xa levan dous anos consecutivos participando nos Venres de entroido que organizamos na Discoteca Zao, tanto no Festival Beatles como en Cheavisión. Desexámoslle moita sorte co seu novo nome e que triunfen.

————————————————————

Cambados 6 de xullo de 2008

ASEMBLEA DO CLUB JUVENTUD CAMBADOS

CELEBROUSE HOXE AS 11 DA MAÑA EN EXPOSALNES

PRESENTACIÓN DA SÚA NOVA PÁXINA WEB www.clubjuventudcambados.es

 

O Cambados presentou a súa nova páxina web, e presidendo a reunión o Presidente Ricardo Charlín "Richar, o Secretario Borja Botana e o tesoureiro Manuel Leiro.

 

Hoxe ás 11 tivo lugar no Salón  de Exposalnés a Asemblea do Club Juventud de Cambados, a destacar a gran labor da directiva, encabadaza por Richar, membro tamén  destacado de UNHA GRANDE CHEA,  os obxectivos deportivos cumpridos e presentación da súa nova páxina web. Moita máis información www.clubjuventudcambados.cl.tf

————————————————————

“OUTRAS SECCIÓNS DE “UNHA GRANDE CHEA” e de CAMBADOS
Visita os nosos videos en	http://www.youtube.com/unhagrandechea
Visita as nosas fotos en:	http://www.fotolog.com/unhagrandechea1
Visita a nosa música en:	http://www.musicamp3.com/UNHAGRANDECHEA
Visita os nosos video clips en:	“R.I.P” : http://es.youtube.com/watch?v=hqCED9R4SLc “O sida”: http://es.youtube.com/watch?v=mGwQAWs2HAE “Lo dudo”: http://es.youtube.com/watch?v=NUTYC4neQSM “Farmacias” : http://es.youtube.com/watch?v=ghRpbkiBnGY “Barrucadas” : http://es.youtube.com/watch?v=M2RtatAtwNA
Se queres coñecer Cambados dende o teu ordenador visita	http://www.cambadosenfotos.net
FUTBOL DE CAMBADOS EN	www.clubjuventudcambados.cl.tf
BALONCESTO DE CAMBADOS EN	www.xuven.com

————————————————————

Cambados 6 de xullo de 2008.

O BAR GERMAN CUMPRE 80 ANOS

FOI INAUGURADO UN 18 DE XULLO

É O ESTABLECEMENTO HOSTELEIRO ABERTO MÁIS ANTIGUO DE CAMBADOS E UN DOS MÁS ANTIGUOS DA COMARCA.

(PREME NAS FOTOS SE QUERES VELAS AMPLIADAS)

  

Varios intres de celebración no Bar German, e recemento Chourizo films rodou ali escenas do seu western

Chegar aos oitenta anos é sempre tarefa difícil. Facelo no bo estado de saúde que goza o bar Germán de Cambados é case envexable. Este establecemento abriu as súas portas o 18 de xullo de 1928, cando Cambados se atopaba inmerso na celebración dos festexos de Santa Mariña. Foi Germán Pintos o que entón rexentaba este negocio. Pasoulle a testemuña ao seu fillo, Ramón Pintos, ao que aínda hoxe se lle pode ver polo local xogando a partida. E este cedeulle, fai uns anos, o local ao seu fillo, Celestino Pintos. En total, tres xeracións pasaron pola barra deste establecemento que dentro dunha semana cumprirá os oitenta anos. «Ao principio vendía de todo un pouco. Tiñamos tamén unha adega pequena na que se facía albariño e tinto. A colleita vendíase na taberna», recorda hoxe Ramón Pintos, máis coñecido como Moncho . A súa paixón era ser mecánico e, durante anos, traballou en varios talleres da zona. Pero un bo día «dixéronme que tiña que traballar aquí, que facía falta», explica.

  

Para UNHA GRANDE CHEA é parada obligatoria o Bar German nos Antoridos

A historia de Celestino, ao que todos chaman Tino , é diferente. Empezou estudos de filoloxía, pero non lle gustaba demasiado. Volveu a casa e descubriu no viño unha das súas paixóns. Aquela pequena adega continúa hoxe fornecendo dos mellores albariños ao establecemento. «Temos dúas hectáreas de albariño coas que elaboramos 20.000 botellas e o 60% da produción véndese aquí», asegura Tino. Ouso dá Torre, que así se chama a firma, tivo moito que ver na creación do consello regulador. De feito, Moncho e o seu pai participaron en moitas das reunións para debater os estatutos do novo consello regulador. Tino é hoxe catador desta entidade. Pai e fillo dirixen esta pequena adega e realizan todo o traballo. Quizais por iso os seus caldos teñen tanta fama, «porque vivimos a vida no medio das cepas», afirma Moncho. Cando o bar Germán abriu as súas portas, os mariñeiros eran os seus principais clientes. «Vendiamos viño e chatos para os mariñeiros, nada máis», asegura Moncho. Recorda que, nunha soa mañá, era necesario «encher a botella de cana entre catro e cinco veces». Entón, a partida xogábase tamén antes de comer, «porque non había café». Non foi ata os anos sesenta que chegou a primeira cafetera ao local. Con ela apareceron as que hoxe son as famosas partidas de cartas e tamén de dominou. Foi pola mesma época cando Pepita , a muller de Moncho chegou tamén ao Bar Germán.

   

Os protagonistas do Bar Garman: Unha clientela fiel, Pita, Tino e Moncho, e o ben que se pasa ali mirando os partidos.

E con ela fixeron aparición as famosas empanadillas. Sérvense todos os sábados e os domingos e lograron converter a este establecemento nun local de obrigada visita durante os fins de semana. De feito, en ocasións resulta case imposible atopar un oco libre á hora do viño. Nestes oitenta anos, o Germán viu cambiar moito á súa clientela. «Agora vén moita mocidade», asegura Pepita . é lugar de cita obrigada para os amantes das partidas de carta e, ultimamente, de dominou. Tamén, lugar de fútbol, onde moitos cambadeses celebraron recentemente a última vitoria da selección española. Pero, sobre todo, é un local familiar, entrañable. Se detrás da barra estiveron xa tres xeracións de Pintos, entre os seus clientes figuran ata catro xeracións da mesma familia. Será polas empanadillas, será pola calor co que se acolle a todo o mundo pero ao Germán quédanlle aínda moitos anos máis de traballo.

Texto: MARUXA ALFONSO.

————————————————————

Cambados 5 de Xullo de 2008

GOGUE E FLOREANO ESTIVERON EN CAMBADOS

LUIS REI INFORMOUNOS DA ASCENDENCIA CAMBADESA DE GOGUE

UNHA GRANDE CHEA ESTIVO NA PRESENTACIÓN DO LIBRO.

  

A portada do libro, o reverso e os membros de Unha Grande Chea posando con Gogue.

 

Onte presentou en Cambados o seu libro Gogue, este grovense internacional que todos los dias nos fai rir dende as paxinas de Faro de Vigo. O presentación foi realmente sensacional, estivo a cargo de dous grandes amigos seus Benito Leiro e Luis Rei. Comezou falando Luis Rei quen como sempre, o "chalequeiro" de Unha Grande Chea, ilustrou de xeito maxistral os alí presentes sobre da figura e obra de Gogue, a aínda fixo rir os presentes en bastantes intres da súa disertación.

 

  

O Secretario de Unha Grande Chea, Chon esperando a que Gogue lle escriba a súa adicatoria, e por último os intervientes na presentación do libro, Luis Rei, Gogue, Benito Leiro e Moncho Argibay

 

Enterármonos, polo menos nós, que pola venas de Gogue corre sangue cambadesa xa que o seu pai era natural de Cambados, casou no Grove e alí naceu Gogue, que un estudante en Dakota fixo a súa tese doutoral sobre a obra de Gogue etc. Logo tomou a palabra Benito Leiro quen falou sobre da traxectoria profesional de Gogue e por ultimo tomou a palabra o propio Gogue quen emocionado deu as grazas os alí presentes. Unha Grande Chea tamén tivo alí os seus representes, a así asistiron o acto Susa, Hadrián e Chon quen posaron co artista. Xi xa admirabamos a Gogue, dende admimrolo moito máis. Ah, por certo,  o libro paga a pena compralo e cara o Alvariño deixamosvos coa derradeira viñeta do mesmo que ven valdría como lema nalgunha das camisetas deste ano. A presentación correu a cargo de Moncho Argibay en representación das librarias Contos, Castelao e Cabanillas.

 

————————————————————

Cambados 5 de xullo de 2008. 

OS PAPAMOSCAS VOLTAN A SAN BIEITO

DA MAN DA ASOCIACIÓN OBRADOIRO "VOLANDEIRA"

PRESENTADOS ONTE NA PRAZA DE FEFIÑANS

  

Os danzantes de cobas e un dos papamoscas no ano 40, duas fotos de onte da Voz de do Diario de Arousa, dos novos papamoscas.

Vecinos e turistas víronse onte sorprendidos cando en plena praza de Fefiñáns apareceron dous bonecos xigantes, acompañados dun grupo de gaiteiros. E é que nin sequera moitos aldeáns acórdanse dos papamoscas, os cabezudos que acompañaban a imaxe de San Benito na súa procesión. Contan na asociación Obradoiro Volandeira, que se encargaron de elaborar estes bonecos, que das festas do San Benito desapareceron fai máis de 45 anos. Por iso os responsables desta agrupación pediron, axuda institucional para permitir que estes xigantes volvesen lucir todos os 11 de xullo, cando Cambados celebra unha das súas festas máis importantes.

Encargoronse de adquirir as enormes cabezas destes bonecos, que foron elaboradas nun taller de fallas de Valencia. E os mozos de Volandeira puxéronse ao choio para confeccionar, con todo luxo de detalles, os traxes e o armazón destas criaturas. Tres semanas levoulles coser saias e pantalóns, pendentes e camisas. Foron tan detallistas que ata coseron un a un os flocos do pano que leva a moza. Non resulta fácil, explican, atopar tea con floco de tales dimensións.

 

Mar Martinez e Manuel Rial (no foto con Montse que pertence as duas asociaicóns Unha Grande Chea e Volandeira) foron os que dirixiron os seus cara a consecución destes papamocas.

Os integrantes de Volandeira coidaron ata o último detalle na recuperación desta tradición. Informáronse de que, por exemplo, á moza coñecíalla en Cambados como Petra , pois contan que se parecía a unha señora de Corrubedo que todos os ano traía unha atraccións á festa cambadesa. Ao home, en cambio, bautizárono como Benito, xa que ninguén recorda como se lle chamaba outrora. A asociación preparou tamén a presentación con todo luxo de detalles. Fixo que os papamoscas saísen do palacio, como se facía entón, e que fosen acompañados dun grupo de gaiteiros. Así percorreron durante un intre a praza de Fefiñáns. Os que llo perderon deben saber que poderán volver ver estes papamoscas o próximo 11 de xullo. Durante as festas do San Benito percorrerán as rúas pola mañá e participarán na procesión pola tarde. Os novos bonecos en cifras. Moitos poden pensar que esta celebración é completamente pagá, pero en Volandeira aseguran que non. «Naceron para engrandecer o divino», explica Manuel Rial , integrante de Volandeira. Eran típicos dos festexos en toda Galicia, pero en Cambados tiñan un nome especial. Chamaronlle papamoscas porque abrían e pechaban a mandíbula mentres desfilaban. Os que agora elaboraron estes mozos miden 3,60 metros de altura e pesan, cada un, ao redor de vinte quilos. De sacalos á rúa encargaranse tamén os de Volandeira. Unha persoa situarase baixo a roupaxe, pero outras deberán axudalo a guiarse polas rúas do municipio. Así polo menos explicouno onte a presidenta da asociación, Mar Martinez . Ao final, a presentación acabou converténdose en toda unha festa. á mesma acudiron numerosos veciños e integrantes de Volandeira. Os presentes arrincáronse a bailar ao ritmo das gaitas e demostraron que de tradición saben o seu. Felicidades por esta iniciativa que, seguro, encantará a todos os veciños.

Texto: Maruxa Alfonso.

————————————————————

Cambados 5 de xullo do 2008. 

ACTO DO BNG EN CAMBADOS

INVITAN OS CAMBADESES A UNHA CHARLA INFORMATIVA SOBRE O DIA DA PATRIA

O ACTO TERÁ LUGAR EN EXPOSALNÉS

  

Victor Caamaño, Montse Prado e Alfredo Suárez Canal quenes falaran no acto.

————————————————————

Cambaados, 5 de Xullo do 2008.

100.OOO VISITAS CHOURIZO FILMS

UN RECORD SEN PROCEDENTES NA BISBARRA

O SEU CURTO "NO VOLVERÉ" ACADOU ESA CIFRA

Non por esperado non deixa de ser sorprendente, o curto “NO VOLVERÉ” de produtora cambadesa Chourizo Films acadou as 100.000  visitas que como sabedes en you tube son moitas porque  a recoñecer a IP do ordenador si repites para ver novamente o film só che conta unha vez. Din os nosos colegas no seu fotolog  www.fotolog.com/chourizofilms  que non saben o motivo de  tantas visitas pero que teñen entradas de Chile, México, California, Arkansas, Brasil etc. Danos as gracias a todos os que visitamos o film incluíndo aos que pensan que estan todo o día pinchando nos vídeos para acordar maior repercusión.  Nos dámoslle os nosos parabéns a Chourizo Films e para os poucos que aínda non o virades aquí o tedes novamente:

 

         

————————————————————