O vindeiro venres 4 de xullo ás 21 horas e no Salón de actos de Exposalnés presentación do libro "Historias Floreánicas" do caricaturista grovense Gogue. Presentarán o acto o Xefe de Prensa do Concello Benito Leiro e historiador Luis Rei. E por suposto tamén falara no acto Gogue. Organizan o acto as librerías Contos – Castelao e Cabanillas.
NOVA XENTILEZA DE:
————————————————————
PRESENTACIÓN DA EMPRESA CAMBADESA "A TRAIÑA SELECCIÓN GASTRONÓMICA"
Esta empresa dirixida por Chicha Rodríguez Vieites e Alfonso Cordal Rodríguez, comenzou a súa andadura hai aproximadamente 7 meses; aínda que existe na longa carreira familiar, dende máis de 3 xeracións. As labores comerciais dos noso antecesores, comenzaron só con peixe; máis tarde engadiuse o marisco ao noso catálogo. A continuación foron o viño e a augardente os protagonistas. Agora a estrela é a grandeza da nosa gastronomía na súa totalidade.
Sen dúbida, unha das máis recoñecidas mundialmente.
Unha vez que os seus clientes demandan algún dos productos gastronómicos galegos, os seus empregados acoden ao mercado onde se atope a mellor relación calidade/prezo.
Contan coa distribución en Pontevedra de 4 marcas de viño albariño 100% (Castrobrey, Albariño Illó, Lagar da Cachada e Señorío de Cruces), un Albariño Plurivarietal (Señorío das Regas), un viño Mencía Rías Baixas (tinto Castrobrey), un viño branco de mesa, e outro tinto (ambos Val Dourado); e diversas clases de augardente. Contan tamén como colaborador a unha das adegas con máis tradicción deste país (Bodegas Rivera, con D.O. Ribeiro e os seus viños son: Rivera Blanco, Ribera tinto, Mouchiño Blanco, Mouchiño Tinto, e Gran Rivera).
Dende hai xa un ano, teñen parte do catálogo nunha páxina web ( http:www.mibodegon.es ), tamén en maio abren unha Delegación en Levante, onde forman parte dun proxecto empresarial. Trátase de prestar servizo de Restaurante aos fogares de que así o soliciten. O seu maior índice de ventas atópase en Cataluña, Valencia, Euskade e Cambados, no Restaurante fundador chamado Restaurante A Traíña. Comercializan diferentes firmas conserveiras, onde con anterioridade comproban a calidade de todas elas. Gozan de ter cos mellores proveedores de moluscos bivalvos, tamén de crustáceos e Cefalópodos.
Se alguén ten algunha dúbida sobre a sua forma de operar, será un pracer resposta-las súas dúbidas no Rataurante A Traiña – Riveira de Fefiñans – Cambados.
NOVA XENTILEZA DE:
————————————————————
Ao longo do mes de xullo, as nenas e nenos de entre 4 e 12 anos poderan interectuar coas Novas Tecnoloxías.
A iniciativa da Rede de Dinamización da Sociedade da Información do PEGSI (Plano Estratéxico Galego da Sociedade da Información da Dirección Xeral de Promoción Industrial e da Sociedade da Información) é unha das estratexias fundamentais para o desenvolvemento das políticas de inclusión na S.I. e o desenvolvemento rural. A Rede de Dinamización da Sociedade da Información axudará a levar a cabo actuacións relacionadas co desenvolvemento da actividade económica, empresarial e da implantación dos servizos electrónicos, titorizando a cidadanía con maiores dificultades e proporcionándolles os medios e ferramentas necesarios para poder formar parte activa da Sociedade da Información. A Rede conta con 100 dinamizadores e dinamizadoras, espallados pola xeografía galega en diferentes entidades, que desenvolven charlas, obradoiros e cursos de alfabetización dixital e outros de moi variada temática, adaptándose ás diferentes necesidades dos colectivos sociais tales como mulleres, persoas maiores, persoas con discapacidade, xuventude, asociacións e empresas. As nenas e os nenos, cada vez a unha idade máis temperá, achéganse ao ordenador coa mesma curiosidade que ao mundo real, ben sexa para xogar, navegar, conversar etc. Aproveitando as vacacións de verán, a Rede de Dinamización da Sociedade da Información, realiza 2 obradoiros, os cales están encamiñados a mostrar o contido dun espazo como é a Internet, onde a aprendizaxe se combina coa diversión e o entretemento.
Ao longo do mes de xullo, os martes e o xoves en horario de 11:00 a 12:00 o primeiro grupo e de 12:00 a 13:00 o segundo grupo terán ocasión de familiarizarse un pouco máis co ordenador e a internet.
Os grupos dividironse en función da idade das e dos participantes. Así os máis pequenos (ata 7 anos) interectuaran entre eles e co ordenador mediante xogos educativos en software libre. Pola súa parte, os maiores (entre 7 e 12 anos) faran un traballo colaborativo, onde ademais de traballar en grupo terán que empregar distintas ferramentas ofimáticas e internet: software específico para a elaboración de presentacións dinámicas, google, descarga de música legal…
Prévese unha alta participación xa que o número de nenas e nenos anotados ascende a corenta e seis.
Datos de contacto:
Alberto Fandiño Mariño
Eliana Bouzas Collazo
Rede de Dinamización da Sociedade da Información
Centro Comarcal do Salnés
Tlf.: 986 52 60 13
Fax: 986 54 33 66
http://dinamiza.sociedadedainformacion.eu/centros/index.php?idc=77
NOVA XENTILEZA DE:
————————————————————
UNHA GRANDE CHEA 