Nos anos 30 adícase a encargos en madeira de temas relixiosos. “Virxe da Soedade” e “Nai de Dor” son algúns exemplos así como o monumento a San Francisco de Santiago. No ano 1934 fai o monumentos a Curros Enriquez que é inaugurado coa presenza do presidente da República. Cara 1945 inicia unha nova etapa volvendo temas máis populares como “Filliña”. Nesta etapa é profesor na Escola de Artes de Oficios de Santiago e catedrático de debuxo no instituto Rosalia de Castro. Tamén foi nomeado membro da Real Academia Galega. Xubilase como profesor en 1955 e tres anos máis tarde fai o monumento a Cabanillas. Morreu en 1961, aos 72 anos por mor da silicose. Está soterrado no Panteón de Galegos Ilustres.
(Texto e algunhas das fotos recollidas do libro “Cambados cen anos de historia e través da fotografía” dos alumnos do IES Francisco Asorey).
————————————————————
¡POÑEDELLE A REDE XA!
Unha das pistas de tenis do Complexo Polideportivo do Pombal en Fefiñans fai varios meses que se atopa sen rede, co prexuízo conseguinte para os seus usuarios que en vez de poder usar tres pistas só poden usar dúas.
O BNG celebrará o venres 7 de marzo, ás 20´15 h., no Pavillón das Travesas de Vigo, o mitin de peche de campaña.
Haberá autobuses gratis con saída de:
Vilagarcía, ás 18´45 h. desde a Explanada TIR.
Cambados, ás 18´30 h. desde a explanada do mercado (ao lado do local do BNG).
Reserva a túa praza de autobús, chamando ao local comarcal do BNG, 986 56 50 59.
Agardamos contar coa túa presenza.
O Centro Comarcal do Salnés, en Cambados, proxecta dentro do ciclo de documentais de Cinemas Dixitais, o sábado 8 de marzo ás 18:00 h. o documental "FRONTEIRAS". A entrada é de balde, ata completar aforo.
Sinopse
O documental repasa as diferencias que existen entre os límites administrativos de Galicia e os sociolingüísticos. Sen chegar a tomar partido sobre a galeguidade dos territorios asturianos, leoneses ou portugueses que arrodean a fronteira autonómica, a película reflexiona sobre como a lingua e a cultura son alleas ás divisións políticas e sobre como un concepto tan difuso como a identidade se estende a través delas.
Argumento
O documental, escrito e dirixido por Rubén Pardiñas trata sobre as fronteiras sociolingüísticas de Galicia no Eo-Navia (Asturias), O Bierzo (León), As Portelas (Zamora) e Portugal. Foi producido por Pasacana Films e patrocinado por AVID Technology.
Recóllense nel declaracións de políticos como Xosé Manuel Beiras, Manuel Fraga ou Maurício Castro, e tamén de escritores como Xosé Luís Méndez Ferrín, Anxo Angueira, Lluís Álvarez ou Xavier Frías Conde. Destacados filólogos, como Francisco Fernández Rei ou Xosé Lluís García Arias tamén aportan o seu punto de vista, ademáis dos presidentes da Real Academia Galega e da Academia de la Llingua Asturiana, Xosé Ramón Barreiro Fernández e Ana Cano.
Doutra banda, o filme inclúe entrevistas ós habitantes de vilas como Vilafranca do Bierzo (León), Ibias (Asturias) ou Castro Laboreiro (Portugal), cuxa decisión sobre a súa propia identidade "debe primar ante todo á hora de definilo", di Pardiñas. O director explica como "neste grupo, hai de todo, dende o que razoa que el é castelán falando nun galego impecable ata o que reclama a anexión a Galicia".
A cuestión principal que Fronteiras presenta é que aínda que as fronteiras administrativas xa están fixadas e poucos as discuten, os límites culturais son difusos e están no centro do debate, tanto para os intelectuais como para a xente que vive entre dúas terras. "Sen tomar partido por ningunha opción, nós queremos reflectir ese debate", afirma o seu director Rubén Pardiñas.
Observacións
Premio AvidHoc "Xpréssate en Tui" ao mellor proxecto documental no II Festival Internacional de Documentais de Tui Play-Doc 2006.
Música: Os Resentidos, A Banda de Poi, Siniestro Total.
Idiomas de gravación: Galego, asturiano, portugués, castelán
Avance do documental en youtube:
http://es.youtube.com/watch?v=1Anjq13lRb0
————————————————————
NOVO BLOG EN CAMBADOS
www.clubjuventudcambados.cl.tf
Dámolle a venvida na rede a unha nova páxina de información, desta vez totalmente futbolistica e máis concretamente do noso primeiro clube "O CAMBADOS", sorte e adiante co voso traballo.
NOVA PATROCINADA POR:
VINDEIRA APERTURA EN RÚA HOSPITAL
————————————————————
ACTUACIÓN NA ILLA
————————————————————
|
“OUTRAS SECCIÓNS DE “UNHA GRANDE CHEA” e de CAMBADOS | |
|
Visita os nosos videos en | |
|
Visita as nosas fotos en: | |
|
Visita a nosa música en: | |
|
Visita os nosos video clips en: |
R.I.P : http://es.youtube.com/watch?v=hqCED9R4SLc O sida: http://es.youtube.com/watch?v=mGwQAWs2HAE Lo dudo: http://es.youtube.com/watch?v=NUTYC4neQSM Farmacias: http://es.youtube.com/watch?v=ghRpbkiBnGY |
|
Se queres coñecer Cambados dende o teu ordenador visita | |
UNHA GRANDE CHEA 