DEPORTES
FÚTBOL
NIGRÁN 4 – CAMBADOS 0
Outra vez non puido ser. O Cambados volveu a dar a súa peor cara fora de Burgans, esta vez perante un rival de peso nin máis nin menos que Nigrán un dos favoritos o ascenso, e non se chegou a xogar mal de todo, pero coma sempre a falta de mentalización e outra razón tamén moi importante a falta de sorte fixo que o Cambados volvera novamente de baldeiro dun desprazamento. Así como na casa non nos vai Nadal mal fora temos unha sinatura pendente que hai que recuperar canto antes. Estre tropezo fora alóxanos un pouco dos postos de ascenso porque agora estamos a sete puntos do líder o Marón e seis puntos do segundo clasificado precisamente o Nigrán. Na vindeira xornada enfrontámonos en Burgans as 16.30 horas o Bora Campolongo que ocupa o posto decimo segundo na clasificación, non podemos perder nin empatar senón poderemos perder definitivamente o tren do ascenso.
————————————————————————————————————————
CAMBADOS B 4 – SALNÉS 1
Partido de rivalidade local, no que o Cambados B partía como claro favorito e non defraudou. Eulo que fixo un hard-trick foi o gran protagonista do encontro. O Salnés fixo o que puido e ata se chegou a poñer a un perigoso 2-1 grazas a un claro penalti marcado por Pela o porteiro visitante, aínda que houbo algún que outro problemiña para para tirar a máxima pena (Unha Grande Chea TV gravouno en vídeo). A partir de aquí o Cambados púxose as pilas e enseguida consigue marcar dous goles máis o cuarto de Alberto quen foi expulsado por dobre cartón marelo. Agora estamos na terceira posición a catro puntos do líder San Miguel a a tres de segundo clasificado O Bamio. A vindeira xornada volve haber outro "derby" esta vez o Beiramar-Cambados B, non poden fallar os nosos rapaces senón perderían de vista os que os preceden, aínda que temos que dicir que a hora é un pouco intempestiva para eles o partido xogase as 12 da mañá. Xa vos contaremos.
UNHA MICROREPORTAXE DO ENCONTRO POR UNHA GRANDE CHEA TV:
—————————————–
BALONCESTO
VILALVA 72 – XUVEN 76
Partido duro no que os cambadeses saíronse coa súa ante un Vilalba que ocupa o décimo primeiro posto da clasificación, e aínda que previamente parecía que non ía haber problemas coa vitoria, o Xuven tívose que empregar a fondo. Con este triunfo o Xuven continua na segunda praza a unha vitoria do líder Ourense, e empatado vitorias co terceiro clasificado o Obradoiro. O vindeiro sábado no Pombal a hora de sempre , as 19.00 horas enfrontámonos a La Salle que ocupa o posto noveno da clasificación, non debiamos de perder pero nunca se pode fiar un.
|
“OUTRAS SECCIÓNS DE “UNHA GRANDE CHEA” e de CAMBADOS | |
|
Visita os nosos videos en | |
|
Visita as nosas fotos en: | |
|
Visita a nosa música en: | |
|
Se queres coñecer Cambados dende o teu ordenador visita | |
|
DEIXA A TÚA OPINIÓN NO NOSO LIBRO DE VISITAS O REMATE DA PÁXINA | |
|
ATENCIÓN: por problemas co outro blog, si queres ver entradas anteriores o 19/05/07, preme en: http://unhagrandechea.spaces.live.com . | |
UNHA GRANDE CHEA 